عبدالرحيم التدلاوي @tadlaoui

2016-10-24 09:14:32 للعموم

مهمومة {زجل}

آه يا ربي من هاذ الكية
الكبدة مشوية
او فقلبي موشومة
حيث تشوف الناس مهمومة
واحد يشرب الكاس
ولاخور يضرب الفاس
واحد ياكل العنكرة المدمومة
ولاخور يعلف الشحمة المسمومة
واحد عاطيها لنعاس
ولاخور عندو خماس
واحد فالراحة تيسبح
ولاخور غارق حتى لشوشتو في الباس
اللعبة باينة مخدومة
من ذيك المكرشة المعلومة
عطياها لتهراس
كلشي لتراس
الله يحضر الباس
نيتها ملعونة
خلات الرجال مغبونة
فالقهاوي مركونة
حلامها مرهونة
ماكاين عريس دالربح
راها عايشا مزحومة
عايشا كلا الشكوى المعلومة
اليد اللي ما تصفع الخيبة
راها مجذومة
قطيعها خير من بقاها
باش متبقاش النفس مكلومة
حكمة الله يرحم اللي خلاها.
تحميل ..