Noor Abdulrazzaq @noorabdulrazzaq

2018-02-17 16:34:54 للعموم

مُري بيه

مُري بيه

مُري يا روحي القديمه

مُري يا بيضة نوايا

السوده هم تتسمه نِيه

مُري يا ذيج الحنينه

رايدارجع تايب واشكي الي بيه

مُري وأكتبلچ قصيده

بدمي أخط وچفوف اديّه

زاهد بروحي ووجودي

وزاهد بروح الي بيه

****

مُري ما باقي سوالف

أدري هسه الزمن يمشي

بس وحق نجواچ واگف

مُري يا ذيچ القويه

***

مُري قبل اول وجع شافته عيونج

شوفي كوم جروح عندي

أحسبي الجروح العٓليه

مُري لحظه

والله لحظه وياج

عندي تسوه دنيه

مُري يا بعد السوالف

مُري يا بعد المواقف

مُري فدوه الزمن واگف

مُري هذا الجسم خايف

مُري واحچيلي عليه

مُري اسولفلج فرحتي

هم صفت مو واقعيه

مُري اغنيلچ غنيه

وهم اطشچ واهليه

رايد افرح بيچ هم غصبن عليه

مُري بيه اشتاقلج

أعذري الندوب العليه

والله موش ذنوب أديه

يا خفيفه وأريحيه

مُري مٓكسب أجر بيه .

آنه حلم الماتلج

لومي هم مسموحلچ

آنه ما استاهلچ

فدوه لا ترحمين بيه

تحميل ..