محمد حلاوة @halawa

2016-02-10 20:00:04 للعموم

حلمت بيك
لما أخدني حنيني ليك
غمضت عيني وحلمت بيك
ولقيت إيديا ماسكة إيديك
ونظرة عينيا حاضنة عينيك
وبين سكوتك بسمع كلام
على همس صوتك بصحى وبنام
دا غرام عيوننا أجمل غرام
خليني دايما معاك أعيش
لو حلم ؟ حلم ما يهمنيش
وحياة عيونك ما تصحنيش
وعلى دايما احساسي بيك
لما ياخدني حنيني ليك
يا حب كان حلم الليالي
يا أحلى فكرة جات في بالي
بتحبني ولا....؟ جاوب سؤالي
ولا أقولك ........ لأ بلاش
أحسن دا يمكن
تقتلني كلمة ما قلتهاش
خليني عايشة معاك في حلمي
عيشني دنيا ما عشتهاش
خليني أحلم بيك تملي
دا الحلم بس اللي فاضللي
لما أحس بشوق إليك
أو ياخدني حنيني ليك
بحلم بيوم الحلم يتحقق
واعيش معاك
يا حبيبي في الحقيقة
ألمس إيديك وأبوس عنيك
واحلف ما يوم أبدا هنتفرق
وأعيش معاك العمر كله
حتى لو كان عمري يادوب دقيقة
هصرخ وأقول للناس بحبك
حتى لو قالوا الناس جريئة
دي جرئتي ياحبيبي في قربك
وأحلامي دايما معاك بريئة
عارف يا حبيبي إمتى بحلم بيك ؟
لما بياخدني حنيني ليك .
تحميل ..